Ֆուտբոլի Հայաստանի բարձրագույն խմբի առաջնությունում 7-ից 10-րդ տեղերի համար պայքարում մրցեցին «Գանձասար-Կապանն» ու «Փյունիկը»:
Առաջին խաղակեսում գոլեր չգրանցվեցին, սակայն մի քանի հրաշալի պահ կորցրեց կապանյան ակումբը. գերազանց էր գործում երևանյան թիմի դարպասապահը: Երկրորդ խաղակեսի 10-րդ րոպեին Կարիմ Նիկիեման միայնակ շարժվելով առաջ գնդակը հուժկու հարվածով մխրճեց Սուգրոբովի պաշտպանած դարպասը: Բերեզովսկու փոփոխություններն օգուտ չտվեցին և Արմեն Պետրոսյանի սաները տևական դադարից հետո հաղթեցին՝ 1-0: «Փյունիկը» 23 միավորով մնաց 8-րդ տեղում, իսկ «Գանձասար-Կապանը» միավորների քանակը հասցրեց 21-ի, բայց մնաց 9-րդ տեղում:
