Հոկտեմբերի 2-ին Ֆրանսիայի Ալֆորվիլ քաղաքի « Le 148 » մշակութային կենտրոնում Իլ-դը-Ֆրանս ռեգիոնի 2021թ. թանգարանային գիշերվա շրջանակներում բացվեց ֆրանսահայ լուսանկարիչ Անտուան Ագուջյանի՝ Արցախին նվիրված « Տոկունություն » (« Résilience ») խորագրով լուսանկարների ցուցահանդեսը։
Ցուցահանդեսի և մշակութային կենտրոնի բացման արարողությանը ներկա էին Ալֆորվիլի քաղաքապետ Լյուկ Կարվունասը, ցուցահանդեսի հեղինակ Անտուան Ագուջյանը, Ֆրանսիայում Արցախի մշտական ներկայացուցիչ Հովհաննես Գևորգյանը, Ֆրանսիայում ՀՀ դեսպանության առաջին քարտուղար Հայկ Խեմչյանը։
Ցուցահանդեսը, որը այցելուների համար բաց կլինի մինչև հոկտեմբերի 23-ը, ներկայացնում է Արցախի դեմ սանձազերծված 44-օրյա պատերազմի արհավիրքները։
